|
Dur Ys und Schnee vom Bärgwald här
chunsch du hüt zu üs Chind,
cho luege wie s üs öppe göng
und ob mir artig sind.
Bis rächt willkomme liebe Chlaus
i üsem chline Huus.
Gäll gohsch nid z fescht mit üs is Gricht,
läär lieber s Säckli us!
Macht s Folge öppedie üs Müeh
und goht nid immer guet,
probiere tüend mirs allewil
mit täglich neuem Muet.
Drum Chlaus, tue jo nid schimpfe hüt,
läär bitti s Säckli us,
nimm üsen Dank - und gang doch au
zum Chind im Nochberhuus!
|
